Punto final ás chamadas comerciais dende os teléfonos móbiles

A partir deste sábado, 7 de xuño, entra en vigor a nova normativa pola que as chamadas con fins publicitarios van ter que realizarse dende números con prefixo 800 ou 900 e sempre con orixe nacional.

Ademais, as compañías xa non poden chamar dende números estranxeiros nin formalizar o peche dun contrato por teléfono.

Esta é unha das últimas medidas do plan do Goberno para loitar contra os intentos de estafa telefónica e suplantación de identidade, que contempla ata 2 millóns de euros de sanción para as operadoras que non colaboren.