Cargando resultados...
Prisión sen fianza para o acusado do acoitelamento mortal no parque de Santa Margarida, na Coruña
O acusado saíndo dos xulgados da Coruña para ser trasladado a prisión
G24.gal
15/12/2025 20:59
Última actualización 15/12/2025 21:41
A maxistrada do Xulgado de Instrución número 8 da Coruña decreta o ingreso en prisión provisional, comunicada e sen fianza, do detido polo acoitelamento mortal ocorrido o pasado sábado no parque de Santa Margarida.
O home declarou na tarde deste luns como investigado por homicidio.
Con esta medida preténdese evitar o risco de fuga.
Lembramos que un mozo duns 20 anos faleceu tras recibir varias coiteladas, unha delas mortal, presuntamente, a mans do acusado, de 46 anos.
O presunto agresor acumula varias denuncias por feitos violentos e xa fora detido por ameazas e lesións en varias ocasións.
Desta volta, as forzas de seguridade conseguiron prendelo no barrio da Sagrada Familia.
