Prisión para cinco dos sete detidos na operación antidroga de Carballo e A Laracha

Cinco dos sete detidos no marco da operación antidroga en Carballo e A Laracha (A Coruña), dirixida polo Xulgado Número 1 de Carballo, irán a prisión, de acordo co ditaminado tras o seu pase a disposición xudicial.

Segundo informaron fontes xudiciais, os outros dous quedaron en liberdade, aínda que investigados nunha causa que se segue por delitos contra a saúde pública na modalidade de grave dano á saúde pública e pertenza a grupo criminal.

A actuación foi levada a cabo por axentes da Garda Civil, cun amplo despregamento que culminou coa detención de sete persoas, e con varios rexistros.

Así, efectuáronse rexistros domiciliarios na Avenida de Fisterra de Carballo, así como no Sisto, Xoane e A Ponte Rosende. Tamén levou a cabo outro rexistro na localidade da Laracha.