Previsión de máximas de 35 graos para este mércores no sur de Pontevedra
Dende esta mañá xa se superan os 25 graos e pola tarde poderíase alcanzar os 34
A Xunta non ve necesario lanzar un aviso por episodio de calor
No sur da provincia de Pontevedra xa notan as altas temperaturas que se esperan para a xornada deste mércores. Localidades coma Mondariz xa superan os 25 graos dende esta mañá.
Así, como recolle Meteogalicia, outros municipios como Pazos de Borbén, Baiona, Ponteareas e Marín chegan xa aos 24,5 graos.
Para esta xornada, Meteogalicia tamén ten un aviso amarelo activo na zona do Miño de Pontevedra e tamén no litoral da provincia, onde se poden superar ata os 34 graos durante a tarde.
Ademais, o Ministerio de Sanidade decretou nivel de risco alto e medio polas elevadas temperaturas na zona das Rías Baixas e no Miño de Pontevedra.
Na Xunta aclaran que as temperaturas son elevadas, pero como esperan mínimas de 17 e 19 non cren que sexan suficientes para xerar un aviso por episodio de calor.
