Veciños de Cangas quéixanse porque un poste eléctrico leva meses en risco de derruba
Os veciños din que permanece en pé grazas ao sustento da vexetación que rodea
O poste é de formigón e supón un perigo para os peóns e os coches que transitan pola estrada
Permanece en pé grazas ao sustento da vexetación que rodea. É un poste de formigón da rede eléctrica de Cangas en claro risco de derruba. Os veciños aseguran que leva meses nesta situación sen que ninguén tome medidas.
O que máis preocupa aos veciños da zona é que poida producirse un accidente grave, xa que esta é unha vía pola que pasan coches, pero sobre todo peóns.
O poste está nunha vía que discorre paralela ao corredor do Morrazo e está moi preto dunha zona escolar.
Os veciños reclaman a reposición urxente do poste e xa comunicaron ao Concello a situación para que medie coa compañía eléctrica.
