As treboadas deixaron preto de 1.000 raios en Galicia

As intensas treboadas rexistradas este luns en Galicia deixaron preto de 1.000 raios en 24 horas, un número inferior o rexistrado na xornada anterior.

Na madrugada do luns, o ceo volvía iluminarse esta noite en moitos concellos galegos.

"A min gústanme as treboadas, estar na casa e escoitalas de lonxe", di unha moza.

Este luns pola tarde volveron. Houbo aviso amarelo por chuvia e trebóns na zona centro e norte de Lugo e na Coruña.

"Esta será a última tarde con episodio de lóstregos, Coruña e Lugo onde hai risco de treboadas que poden vir acompañadas de pedrazo", comenta Ana Celia Vázquez, do espazo 'O tempo'.

Como xa ocorreu en Carballo, a sarabia é o que máis preocupa no campo.

 "As leitugas poden aguantar un pouco máis, pero se cae pedrazo rompe a planta e machaca todo", explica a horticultora María González.

Tamén seguen as noites tropicais, localidades como Viveiro ou Folgoso do Courel espertaban este luns co termómetro cerca dos 26 graos.

 "Eu a calor das noites lévoa mal", di unha muller.

Calor pola noite e polo día. Ourense volveu a ter a máxima con 34, Lugo, Ferrol e Santiago rozaron os 30, e no resto non baixaron dos 25.

 "Baixar as persianas para que non entre a calor", comenta unha moza.

Episodios que, debido ao cambio climático, cada vez van ser máis frecuentes.