As tormentas azoutan Galicia, con máis de 2.500 raios
Forcarei, con 36,5 litros por metro cadrado, é polo momento o concello máis afectado polas intensas chuvias que afectan a comunidade
Aviso laranxa por treboadas no interior da provincia da Coruña e no centro da de Lugo, e amarelo no resto de Galicia
Imaxe de arquivo de raios sobre a Torre de Hércules ( M. Dylan-Europa Press)//DIRECTO: Cámara web da CSAG en Ferrol
As tormentas azoutan Galicia este martes, con boa parte de Pontevedra e Lugo en alerta laranxa. Tamén se ampliou xa en curso ás Rías Baixas, segundo informou o 112 Galicia, pero a Axencia Española de Meteoroloxía (Aemet) prevía que a situación nesta zona mellore.
Segundo datos de MeteoGalicia, ata as 15:30 horas caeron máis de 2.500 raios na comunidade.
En canto ás choivas, as máximas acumuladas rexistráronse, precisamente en localidades de Pontevedra, con Forcarei -con 36,5 l/m²- encabezando a clasificación; seguido de Oia (34,9 l/m²), e O Rosal (32.4 l/m²).
Segundo a Axencia Estatal de Meteoroloxía (Aemet), o aviso laranxa por choiva actívase desde primeiras horas da tarde por precipitación acumulada que pode alcanzar os 30 mm nunha hora.
Ante a forte choiva recoméndase circular con precaución e informarse antes do estado das estradas, non atravesar zonas alagadas ou que poidan chegar a alagarse e non aparcar nas ribeiras dos ríos.
O resto de Galicia está en aviso amarelo por chuvia, segundo MeteoGalicia. E tamén é amarelo o nivel de aviso por treboada que afectará toda a comunidade, agás no interior da provincia da Coruña e no centro da de Lugo, onde se elevou a laranxa.
Aemet amplía o aviso por chuvias a laranxa no caso das Rías Baixas, interior da provincia da Coruña e montaña e centro de Lugo.
#Alertas112 🟠🌧️ A alerta laranxa por chuvias amplíase á zona de Rías Baixas (Pontevedra), onde xa está activa. 🔗 https://t.co/GRZo4YY1Ey ⚠️ Extrema as precaucións: https://t.co/DdHfukYZNp
— 112 Galicia (@112Galicia) October 6, 2026
Suspensión da actividade exterior en centros de 74 concellos
Debido a este fenómeno meteorolóxico adverso, a Comisión Escolar de Alertas acordou a suspensión da actividade no exterior, desde as 15:00 horas deste luns ata as 00:00 horas deste martes, nos centros educativos das zonas do interior da Coruña Coruña, centro e montaña de Lugo, que comprenden un total de 74 concellos.
Os concellos afectados pola suspensión de actividades escolares no exterior son, na zona do interior da Coruña: Ames, Aranga, Arzúa, A Baña, Boimorto, Boqueixón, Brión, A Capela, Coirós, Curtis, Frades, Irixoa, Melide, Mesía, Monfero, Negreira, Ordes, Oroso, O Pino, As Pontes de García Rodríguez, Santa Comba, Santiago de Compostela, Santiso, Sobrado, As Somozas, Teo, Toques, Tordoia, Touro, Trazo, Val do Dubra, Vedra e Vilasantar.
No centro de Lugo abarca os municipios de Abadín, Antas de Ulla, Begonte, Castro de Rei, Castroverde, O Corgo, Cospeito, Friol, Guitiriz, Guntín, Láncara, Lugo, Meira, Monterroso, Muras, Outeiro de Rei, Palas de Rei, Paradela, O Páramo, Pastoriza, Pol, Portomarín, Rábade, Riotorto, Sarria, Vilalba e Xermade.
Suspensión da actividade deportiva
Do mesmo xeito, a Secretaría Xeral para o Deporte da Consellería de Presidencia, Xustiza e Deportes, segundo as previsións dos órganos meteorolóxicos, anunciou a suspensión da actividade deportiva do programa Xogade e federada no exterior, excepto os deportes náuticos e acuáticos federados, nas zonas afectadas pola alerta meteorolóxica.
Os concellos afectados e os horarios de vixencia da alerta pódense consultar na web Deporte Galego.
Aconséllase consultar a páxina web do CIAE 112 (www.axega112.gal), que conta con información meteorolóxica e con ligazóns de interese.
