Pontevedra repetirá en 2027 como sede dos Premios Feroz
O obxectivo desta terceira edición en Pontevedra será "ampliar máis a nosa actividade para chegar a máis capas da poboación tanto nas actividades previas como o día da gala dos Feroz", desvelou a vicepresidenta da AICE
A Asociación de Informadores Cinematográficos de España (AICE) organiza os Premios Feroz desde o ano 2014 para destacar a produción audiovisual española
@PremiosFeroz
A cidade de Pontevedra repetirá por terceiro ano consecutivo como a sede dos Premios Feroz e acollerá a próxima gala de entrega destes galardóns o sábado 23 de xaneiro de 2027.
Así o confirmaron este luns a nova vicepresidenta da Asociación de Informadores Cinematográficos de España (AICE), Elena Sánchez, e o alcalde de Pontevedra, Miguel Anxo Fernández Lores, nun acto que tivo lugar na casa do concello.
"Podemos dicir ben algo que non cambiamos e que volvemos a Pontevedra", sinalou Sánchez, que destacou que toda a familia que rodea os Premios Feroz "sentímonos moi ben recibidos" na cidade, "e por iso tripitimos".
O obxectivo desta terceira edición en Pontevedra será "ampliar máis a nosa actividade para chegar a máis capas da poboación, tanto nas actividades previas como o día da gala dos Feroz", desvelou a vicepresidenta da AICE.
A Asociación de Informadores Cinematográficos de España (AICE) organiza os Premios Feroz desde o ano 2014 para destacar a produción audiovisual española.
