Polémica veciñal polo paso dun camión de propano en Cangas
Polémica veciñal polo paso dun camión de propano en Cangas
Os veciños denuncian que excede o peso permitido na vía
A familia que o contratou di que ten permisos municipais
Os veciños do camiño da Choupana, en Cangas, téñeno claro. Din que a sinalización impide o paso por esa vía a vehículos de gran tonelaxe e non van permitir que acceda o camión de propano que unha familia da zona solicita para a súa subministración persoal.
Aseguran que non teñen nada en contra da familia afectada. Din que o seu posicionamento responde só a criterios de seguridade.
E é que a familia afectada recorreu ao Valedor do Pobo. Aseguran que pediron un camión máis pequeno, pero que a empresa de subministración non o ten. Non quixeron falar ante as nosas cámaras, pero aseguran que teñen informes técnicos e o permiso do Concello para poder recibir este servizo. Aínda así, esta mañá, coa presenza da Policía Local, o camión de propano non accedeu á vivenda.