Polémica polas obras no zona portuaria de Palmeira, en Ribeira
Polémica polas obras no zona portuaria de Palmeira, en Ribeira
Os veciños conseguiron coas súas protestas o compromiso de que se van retirar os pivotes e recolocar os bancos de pedra
A reforma do porto de Palmeira, en Ribeira, non gusta aos seus veciños. Non ven as vantaxes de colocar pivotes ou os bancos de pedra e restar espazo á circulación, aparcadoiro ou simplemente ao lecer, sobre todo pensando na época estival.
Tras varias protestas e reunións entre os grupos do concello, a alcaldía e Portos de Galicia, semella que existe un compromiso para reorganizar o espazo de novo.
Un espazo onde non hai tampouco acordo entre o seu deseñador orixinal o arquitecto David Chipperfield, director da Fundación Ría, e o resultado obtido. A peonalización da zona estaba pensada en orixe respectando o espazo e as necesidades da confraría, a hostalaría e outros colectivos da vila.
A veciñanza segue pendente desta reforma polémica e de comprobar que o seu resultado non prexudique as súas vidas cotiás.