Polbo á feira, pementos de Padrón e churros: as comidas máis demandadas a domicilio
Moitos destes negocios xurdiron coa pandemia e non paran de medrar
Só Málaga supera a Vigo como cidade en que se piden máis churros a domicilio
Polbo á feira, pementos de Padrón e churros. Son os pratos que máis pedimos a domicilio os galegos. Este negocio, que en moitos casos xurdiu coa pandemia, non deixa de medrar.
Consumilos na casa non cambia os nosos gustos. Polbo á feira e pementos de padrón están entre os pratos preferidos dos galegos para pedir a domicilio. Naceu como recurso fronte á pandemia, pero o servizo a domicilio mantense con éxito.
De estacións non entenden en Vigo. Só Málaga supera a cidade galega en pedidos a domicilio de churros e o oitenta por cento deles saen do mesmo establecemento.
Calidade e rapidez no servizo son as claves do éxito destes produtos, os máis demandados en Galicia, segundo un estudo da compañía Glovo.
