A lei da auga supera o debate de totalidade entre críticas da oposición
O texto continuará a súa tramitación parlamentaria tras seren rexeitan as emendas á totalidade de BNG e PSdeG
A conselleira de Infraestruturas defendeu que a norma estimula o aforro, mentres que a oposición advirte dun aumento impositivo
O Parlamento de Galicia rexeitou este martes, cos votos do PPdeG, as emendas á totalidade presentadas polos grupos da oposición, BNG e PSdeG, para devolver ao Goberno o proxecto de Lei de mellora da xestión do ciclo integral da auga, polo que o texto continuará a súa tramitación parlamentaria.
A norma continúa así o seu trámite no Parlamento sen indicio de acordo, xa que desde a oposición foron especialmente críticos coa norma, posto que manteñen que supón unha subida “indiscriminada” dos impostos que deberán pagar as familias e os concellos.
Mentres, a conselleira de Infraestruturas e Mobilidade, Ethel Vázquez, asegurou que esta norma “habilita ferramentas” para garantir a calidade dun ben básico coma a auga, "para o que apostamos polo seu uso racional, por aumentar o aforro e por asegurar o correcto funcionamento das depuradoras", detallou.
