O PP presenta unha moción de censura contra o alcalde de Carral, Javier Gestal
José Luis Fernández Mouriño poderá volver gobernar cunha moción apoiada por dous edís que pertencían a Alternativa dos Veciños, o partido de Gestal
O Partido Popular e dous tránsfugas de Alternativa dos Veciños presentaron este martes unha moción de censura contra o alcalde de Carral (A Javier Gestal, de AV, informaron a EFE fontes municipais.
O PP presentou outra moción de censura tras a sentenza do Tribunal Constitucional que avala os votos de concelleiros tránsfugas, ao entender que os cargos son persoais e non dos partidos polos que se presentan.
O escrito coas sete asinas -a maioría absoluta- foi presentado este martes, polo que o pleno celebrarase o próximo 9 de setembro ás 12 horas.
En Carral goberna Alternativa dos Veciños desde 2019, cando Javier Gestal relevou a José Luis Fernández Mouriño, do PP, quen retomará agora o bastón de mando, que xa tivo entre 2003 e 2019.
Desde 2023, Alternativa dos Veciños ten maioría absoluta, con sete de trece edís, pero primeiro Francisco Bello e despois Mercedes Caridad deixaron o grupo e agora son quen apoia a moción de censura.
As outras cinco firmas son dos cinco concelleiros do grupo municipal do PP, que ten a José Luis Fernández Mouriño como líder.
