Piqué chamou a Rubiales pola vacante do Reus e pediulle un grupo fácil para o seu Andorra, segundo 'El Confidencial'

Gerard Piqué contactou directamente con Luis Rubiales en xullo de 2019 para falar da praza que deixaba libre en Segunda División B o C. F. Reus, descendido por falta de pagamentos.

Piqué e Rubiales xa mantiñan por esas datas unha estreita relación polas súas negociacións con Arabia Saudita para venderlles a Supercopa de España. Finalmente, o equipo elixido para ocupar o lugar do Reus foi o F. C. Andorra, do que Piqué é propietario por medio da súa empresa Kosmos, a mesma que se adxudicou a comisión millonaria dos sauditas. A elección do Andorra provocou as protestas doutros equipos aspirantes. Apuntaron aos vínculos agora ao descuberto entre o defensa do Barça e o responsable da RFEF.

“Rubi, estarei dispoñible toda a noite así que chámame cando queiras. Simplemente unha cousa, era para preguntarche tema da praza de Segunda B do Reus, que se ve que baixa e queda libre e saíu un comunicado dicindo que en tres días hai un prazo para tratar de comprala quen queira, etc. Simplemente para que me expliques un pouco como vai e como o ves, para que me informes un pouco de todo. Grazas, crack”

EXCLUSIVA | Piqué llamó a Rubiales por la vacante del Reus y le pidió un grupo fácil para su FC Andorra #SupercopaFiles https://t.co/Q2Igm77CAv

— El Confidencial (@elconfidencial) April 20, 2022

O defensa do Barcelona, Gerard Piqué, pediulle tamén axuda a Rubiales, para xogar os Xogos Olímpicos de Toquio do pasado verán, segundo un audio publicado polo Confidencial dentro das conversacións sobre a negociación para levar a Supercopa de España a Arabia Saudita.

"Esta tesma que facer, eh, Rubi, tesma que conseguir, hostia. Faime unha ilusión que te cagas xogar os Xogos Olímpicos", escóitase dicir a Piqué, que renunciara antes á selección absoluta e pide discreción a Rubiales.

Nunha resposta posterior o presidente da RFEF afirma que o seleccionador é quen ten que tomar as decisións, aínda que el estaría "encantadísimo".

"Eu xa ao míster comenteillo e el sábeo. El ten que tomar tamén as decisións e eu desde logo xa sabes que encantado de botar unha man aí. Por suposto, hai que mantelo en segredo e o míster, se el confía, quere e tira 'pa'diante', eu encantadísimo. A min gustaríame que viñeses ata a absoluta, a outra, que te necesitamos máis", respondeu Rubiales.

EXCLUSIVA | Piqué pidió a Rubiales ir con España a los JJOO de Tokio: "Me la tienes que hacer, eh, Rubi" #SupercopaFileshttps://t.co/yjIUrDoPa7

— El Confidencial (@elconfidencial) April 20, 2022