Piden nove anos de cárcere para o condutor ebrio que causou a morte dunha nai e os seus dous fillos

O vindeiro martes comeza o xuízo polo accidente de tráfico que hai case dous anos custou a vida a unha nai de 39 anos e os seus dous fillos de trece e seis anos en Salceda de Caselas.

O home que causou o sinistro mortal sentará no banco da sección segunda da Audiencia Provincial de Pontevedra acusado de tres homicidios por imprudencia grave en concurso cun delito de condución baixo a influencia do alcol. Triplicaba a taxa permitida.

A Fiscalía pide para el 5 anos de cárcere e a acusación particular solicita 9 anos de cadea.