Pesar en Marín pola morte dun mariñeiro do municipio no porto bretón de Douarnenez
Tiña 52 anos e era natural de Santo Tomé de Piñeiro, malia que vivía en Marín
A súa vida sempre estivo vinculada ao mar
O corpo foi trasladado a Brest para realizarlle a autopsia
Consternación e pesar entre os veciños da zona de Ezequiel Massoni de Marín onde desde hai anos residía Javier Pregal Barreiro, o mariñeiro de 52 anos falecido repentinamente a bordo do pesqueiro Faro Picamillo na Bretaña.
Natural da parroquia de San Tomé de Piñeiro, de onde marchou con 20 anos, a súa vida sempre estivo ligada ao mar.
O seu falecemento produciuse tras sentirse indisposto e caer na cuberta durante os labores de atraque do pesqueiro no porto bretón de Douarnenez, onde faleceu malia os intentos por reanimalo.
A espera dos resultados da autopsia todo apunta a unha morte por causas naturais. O seu corpo será repatriado nos vindeiros días.
