Para agasallar gañar terreo a flor cultivada que semella ser silvestre

Non son propiamente silvestres, pero teñen aspecto de selo. E iso é o efecto que se busca.

"É flor que podería atoparse nun campo, nun prado ou nun monte tipo gramínea, que este chámase panicum, o ranunculus batterfly ou as campanulas", explica Elena Naveira, propietaria da florería Médula.

Nin seca, nin artificial. En contra do que se puider pensar, trátase dun tipo de flor fresca e natural, cultivada.

"Son todas cultivadas e veñen de Holanda, pero cada unha ten un país de orixe diferente", engade.

Experta en deseño floral, Elena asegura que os ramos de flor silvestre van gañando terreo, especialmente para agasallar.

"Si que hai moita xente que nos pide ramos de tipo silvestre, é dicir, queren que teña o aspecto de poder atopar algo así na natureza", di.

Algo que semella improvisado ou informal, pero que tamén está presente entre os pedidos que están a recibir na florería agora que se achega o Día da nai.