Ourense acolle á San Martiño máis populosa
A 49 edición desta carreira pedestre contou con máis de 11.000 inscritos nas disintas categorias
Abdessamad Oukhelfen e Kiros Muaz foron os gañadores da proba absoluta
Arrancaba a mañá deste domingo na contorna da ponte do Milenio os primeiros corredores concentrábanse para quentar antes de facer fronte os dez quilómetros de percorrido.
Ás once soaba o pistoletazo de saída da proba absoluta na que participaron máis de catro mil persoas, atletas profesionais de primeiro nivel e afeccionados, algúns con décadas de San Martiño ás súas costas.
Unha carreira, das máis antigas e multitudinarias de Galicia, que estreou percorrido nesta 49 edición na procura dun circuito máis rápido.
O primeiro en cruzar a meta foi o campión de España de 10 quilómetros e dúas veces campión de Europa en campo a través, Abdessamad Oukhelfen, cun tempo de 29 minutos e 16 segundo. Na categoría feminina, o triunfo foi para a campioa etíope de 10.000 metros lisos, Kiros Muaz.
Ademais da absoluta, tamén houbo unha carreira escolar, outra infantil e unha inclusiva con diferentes percorridos e horarios.
