Os veciños de Vilagarcía, fartos tras un novo acto vandálico na vila

Hai días que todos os aros do aparcadoiro de bicicletas apareceron rotos e espallados polo parque de Piñeiriño. A base segue no seu sitio, pero os vándalos decidiron estragar o mobiliario e deixalo tirado por unha zona onde conviven moitos veciños. Uns veciños que están fartos da impunidade coa que poden romper os bens de toda a comunidade.

Hai pouco os vándalos estragaron tamén boa parte da decoración de Nadal en pleno centro da vila. Os veciños non entenden estes comportamentos e, ante a proliferación destes actos vandálicos, esixen máis vixilancia policial para tratar de evitalos e castigos máis severos para os seus autores.