Os veciños do Orzán, desesperados polos ruído e a inseguridade nocturna

Na rúa Socorro do Orzán os veciños instalan fiestras novas para illarse do ruído. Neste barrio, ata as persianas dos locais piden silencio porque, tal e como denuncian os veciños, aquí non hai quen durma.

"Onte foi tremendo, espertas e non sabes que facer, a policía ás veces non pode vir""Como vou descansar? Son todo gritos e pelexas". "Os veciños protestan pero ninguén fai nada", explica a xente na rúa,

Para mostra, os numerosos vídeos que gravan desvelados desde as súas casas. O último tenos especialmente preocupados, nel un mozo sobe á repisa deste edificio animado polo balbordo. "Igual que subiu á repisa pode entrar na fiestra da veciña, ela quedou abraiada".

Inseguridade, pintadas, liortas, venda de drogas... os veciños piden un reforzo policial nocturno e máis civismo aos que lles impiden descansar."Sen educación e respecto non hai solución, perdemos o norte""O único que podemos facer é marchar de aquí, e os pisos desvalorizáronse, perdes moitos cartos se vendes", din. 

Séntense indefensos e piden solucións ante unha situación que, segundo contan, se repite practicamente todas as noites da semana.