Veciños de Monte Alto, na Coruña, reclaman máis aparcadoiro no barrio
Urxen que se reabra o aparcadoiro do mercado, en que se prevén crear 154 prazas de estacionamento
É unha das zonas maís demandadas da Coruña.
"Os de Monte Alto vivimos en Monte Alto. Non noutro lado", di uha veciña.
Un barrio en crecemento con poucos espazos para deixar o coche.
"Nos baixos que hai están a facer vivendas, non garaxes. E todo o mundo ten tres ou catro coches por casa. E bota contas, non hai", explica un veciño.
As obras de renovación do mercado municipal deixaron o barrio sen aparcadoiro público. E a principal superficie comercial sen servizo.
"A xente que vén ao mercado, se non pode aparcar, marcha", asegura outra.
O aparcadoiro do mercado está pendente dunha nova concesión que deberá asumir os traballos de adaptación por valor dun millón de euros.
"Vai para tempo, porque non se sabe cando o van abrir. E fainos falta. Urxe que o abran", reclama unha muller.
Serán 154 prazas das 500 que estima o Concello que necesitaría Monte Alto.
