Os veciños de Monforte reclaman o repintado dos pasos de peóns
Os veciños de Monforte reclaman o repintado dos pasos de peóns
A situación é especialmente complicada no centro da vila, onde se acumula máis tráfico
Moitos pasos de peóns de Monforte de Lemos urxen un repintado. Moitos deles apenas conservan algunha das súas liñas, dificultando cruzar con seguridade. A situación é especialmente complicada no centro da vila, onde se acumula máis tráfico.
Moitos veciños xa levaron algún susto á hora de cruzar a rúa e á falta de mantemento dos pasos de peóns súmase que moitos deles carecen de sinalización vertical. Cruzar é especialmente complicado cando tampouco hai semáforos que regulen o tráfico, por iso os veciños reclaman melloras que contribúan á seguridade de todos.
A Policía Local realizou un informe sobre o estado dos pasos de peóns que está agora en mans do Concello.
