Os últimos ultramarinos que se resisten a desaparecer
As tendas de ultramarinos naceron no século XIX
A catorce quilómetros de Ourense, na parroquia de Palmés, atopamos un dos últimos ultramarinos que resiste ao paso do tempo.
José Antonio é un dos seus propietarios xunto co seu irmán. Inaugurouno o seu avó en 1926, e foi pasando por diferentes xeracións familiares. Tras quedar sen traballo, decidiu poñerse detrás desta barra.
Aquí non falta de nada, nin o café de pota, e para moitos clientes esta é a súa segunda casa.
En pleno centro de Ourense, no barrio do Couto, atopamos estoutro ultramarinos rodeado por grandes edificios.
Aquí atopas todo tipo de produtos de alimentación. Dende o máis cotián, ata produtos de proximidade da provincia de Ourense e mesmo doutros puntos de Galicia.
Case todos son negocios familiares, por iso, a maior ameaza para eles é a da remuda xeracional.
Todos souberon adaptarse aos novos tempos, pero sen perder a súa esencia: o ambiente, o trato personalizado e o humor.
