De moda o estilo tradi: mesturar pezas do traxe galego tradicional nos estilismos cotiáns

Polainas, monteiras, enaugas, refaixos, arracadas e mantóns están a saír das arcas dispostos para unha segunda vida, ou para servir de de inspiración, grazas a artistas, políticas, cociñeiras, actrices, actores e bailaríns.

Vímolo nos Premios Mestre Mateo e nos Feroz, no programa Bailamos da Galega e decote tamén na rúa. Cada vez máis, as pezas do traxe tradicional galego incorpóranse á vestimenta decotío ou na de eventos. O estilo tradi está de moda.