O Arde Lucus volve encher de visitantes a capital lucense, nunha festa que xa vai polo 25 aniversario

A música dos tambores das agrupacións de recreación histórica conforma a banda sonora de Lugo esta fin de semana. A cidade réndese a romanos e castrexos.  Hai boa convivencia, pero a veces tamén enfrontamentos.

A recreación do que puido ser o pasado de Lugo é o que inspira a esta festa, que conta coa complicidade das asociacións.

Cúmprense 25 anos do Arde Lucus, unha festa de interese turístico internacional xa consolidada que enche a cidade de visitantes. Comenta unha traballadora dun hotel do centro de Lugo que "estas datas son como San Froilán, con todo cheo".

Esta tarde continúan os desfiles polas rúas do centro e a loita de gladiadores. Os que queiran recrearse co circo, comeza ás seis nas costas do parque, e tamén hai posibilidade de participar en bautizos e vodas polo rito celta e ser testemuña do asalto ao monte Medulio.

A ronda da muralla acolle o desfile de tropas romanas e tribus castrexas a partir das oito e de novo ás dez e media da noite, espectáculo de circo. Unha festa para gozar na rúa.