Os triángulos de perigo deixarán de ser obrigatorios en 2026
A partir do un de xaneiro de 2026 a DXT obrigará os condutores a utilizar un novo sistema de sinalización nas estradas para informar das avarías ou accidentes
O dispositivo V16 contén unha luz luminosa e leva incorporado un sistema de baliza con xeolocalización
Os famosos triángulos de perigo serán substituídos por unha baliza que emite ao mesmo tempo un sinal luminoso.
"Do que se trata de evitar neste caso é o atropelo do usuario cando baixaba do vehículo para ir colocar os triángulos, neste caso a uns cincuenta metros", di Benito Bouzada, portavoz da Federación Estatal de Técnicos de educación e seguridade.
Sen saír do noso vehículo tras un accidente ou avaría, podemos colocar e activar a baliza.
"Facémoslle o xiro e no momento que o poñamos no teito do vehículo xa terá a conectividade da plataforma DXT3.0"
Porque esta baliza de sinalización, conta cunha tarxeta sim que dará a posición exacta do noso vehículo.
"O aviso inmediato a central da DXT e tamén aos equipos de emerxencia coa información correspondente a todos aqueles vehículos que xa teñan incluída a aplicación da app da DXT 3.0.", afirma Bouzada.
E con todos os datos poderán informar tamén, case en tempo real, os condutores da vía a través destes paneis de control de tráfico. O seu custo é duns 50 euros. Quedan exentos da súa obrigatoriedade motocicletas e ciclomotores.
"Pero, de momento, somos os únicos na Unión Europea que imos ter a obriga de levar este dispositivo V16 a partir do un de xaneiro de 2026", conta Bouzada.
O V16 non é obrigatorio fóra de España e os estranxeiros quedan exentos de usalo. Un dispositivo que busca reducir os atropelos nas estradas. Polo que incumprir a norma suporá multas de arredor de 80 euros.
