A Policía Nacional alerta do regreso da estafa e fraude informática do "fillo en apuros"

A Policía Nacional alerta novamente a cidadanía, especialmente a pais e nais, sobre a detección nas últimas semanas de múltiples estafas cometidas mediante o engano do "fillo en apuros", unha fraude que utiliza a enxeñería social e a urxencia emocional para obter sumas importantes de diñeiro de cada unha das súas vítimas.

Así operan estes estafadores

O engano baséase no aproveitamento da confianza e o vínculo familiar, seguindo un patrón moi similar na maioría dos casos:

-Contacto inicial: A vítima, o pai ou nai,  recibe unha mensaxe, xeralmente a través de WhatsApp ou SMS, desde un número de teléfono descoñecido para eles.

-Falsa Identidade e escusa: O estafador faise pasar polo seu fillo ou filla, utilizando como escusa que o seu teléfono habitual estragouse, que o perdeu, llo roubaron, ou quedou sen batería, e por iso está a escribir desde outro número dun amigo ou compañeiro de traballo.

-Creación de urxencia: Inmediatamente, o falso fillo ou filla alega unha situación de urxencia económica que require unha actuación inmediata.

As escusas máis comúns son:
   -Necesidade de pagar unha factura urxente (luz, alugueiro…).
   -Pago dunha multa ou xestión administrativa cuxo prazo vence.
   -Necesidade de realizar unha transferencia a un coñecido ou provedor (pago pendente nunha obra, pago a realizar no seu traballo…)
   -Imposibilidade de acceder á súa propia banca en liña ou conta bancaria.

-Petición de transferencia: Solicitan á vítima que realice unha transferencia bancaria urxente a unha conta específica que lle facilitan, insistindo na rapidez e a imposibilidade de contactarlles por chamada con calquera pretexto.

Consellos de prevención para a cidadanía

A mellor ferramenta contra este tipo de fraude é a prevención e a verificación da identidade.

Recoméndase:

-Manter a calma e non actuar por baixo presión: Desconfíe sempre das peticións urxentes de diñeiro que cheguen por vías non habituais. Pregúntese se o seu fillo ou familiar lle pedirían unha cantidade de diñeiro importante mediante unha mensaxe.

-Verificación cruzada: Por moito que lle diga o estafador, antes de realizar calquera transferencia, verifique a identidade do solicitante. Chame ao número habitual do seu fillo ou filla. Se non contesta, tente contactar con el ou ela a través doutro familiar, amigo ou por outro medio.

-Non continúe a conversación polo número descoñecido. Tentarán que siga interactuando con eles para extraer máis información sobre vostede e a súa familia e facer máis crible a estafa.

-Preguntas de seguridade: Se non pode contactar co seu fillo, fágalle unha pregunta persoal de seguridade. Unha pregunta que só o seu verdadeiro fillo ou filla podería responder, ou fágalle unha pregunta trampa como, por exemplo, se a súa neta “Luísa” a propósito cando a súa neta non se chama así.