Sanidade cifra en case 190.000 as consultas suspendidas desde decembro polos paros

O conselleiro de Sanidade, Antonio Gómez Caamaño, avanzou este martes que a Xunta volverá convocar a representantes do sindicato médico O'Mega co obxectivo de tentar terminar coa folga indefinida que esta organización mantén na atención primaria galega desde o pasado luns 2 de marzo.

Así o trasladou Gómez Caamaño tras reunirse esta mañá en Santiago de Compostela con responsables das distintas áreas sanitarias para avaliar o impacto deste paro e do que os facultativos deste sindicato manteñen en Galicia contra a reforma do estatuto marco exposta polo Goberno central.

En declaracións aos medios, o conselleiro declarouse "optimista" para que se poida solucionar esta situación, xa que entende que "moitas" das demandas deste colectivo "están xa resoltas ou están en vías de resolución"; algo que non comparten en O'Mega.

En calquera caso, manifestou que espera que os interlocutores do sindicato acudan á futura reunión, con data por determinar, "cun espírito realmente crítico" para negociar desde o "respecto" e co "compromiso mutuo de chegar a un acordo".

Así, solicitou que, "como mostra de boa vontade", os traballadores médicos encerrados no centro Olimpia Valencia de Vigo abandonen esta medida de protesta.

Con todo, desde O'Mega, o presidente da organización, Manuel Rodríguez Piñeiro, trasladou que "non está na man" do sindicato que se tome esta decisión; xa que participan neste peche profesionais deste e doutros colectivos por iniciativa propia.

Remarcou que o texto presentado á Consellería é "o mesmo documento" que lles foi entregado en novembro, con idénticas demandas, e ha replicado que "non hai nada operativo neste momento"; máis aló da extinción da figura de facultativos especialistas en atención primaria e avances na homologación dos MIR.

Así pois, botou en falta que se atendan reclamacións como a limitación das axendas médicas, a creación dunha xornada específica para os puntos de atención continuada, a equiparación retributiva entre categorías profesionais da primaria ou a voluntariedade das quendas de sábado.

Nna protesta contra o Estatuto Marco proposto polo Goberno. Demandan "un estatuto propio para médicos e facultativos, porque se temos condicións diferentes ao resto de profesionais, que remos un estatuto marco propio", segundo explica Belén Carnero, delegada de Omega en Lugo.

A ministra insiste en que o estatuto foi acordado cos principais sindicatos. Mónica García destacou que "un convocante da folga dixo que o problema da folga non é da ministra, senon do Goberno de Pedro Sánchez. Eu non fago unha atribución política, repito o que din os convocantes". Con todo, os sindicatos rexeitan que sexa unha folga política. 

O impacto das dúas folgas activas esta semana na sanidade galega causou, segundo os cálculos do Executivo autonómico, o aprazamento diario de miles de consultas, cirurxías e probas diagnósticas.

No día de onte, indicou o conselleiro, foron suspendidas preto de 4.500 consultas; o que eleva o total de actos médicos suspendidos en folgas desde as primeiras mobilizacións do mes de decembro de 2025 a 188.645.

"O impacto é importante, tanto en Atención Primaria como en atención hospitalaria", recoñeceu Gómez Caamaño, que estimou que os niveis de participación nas protestas son similares aos de xornadas previas.