O estraño caso do Oscar perdido nunha caixa de cartón
O cineasta Pavel Talankin non puido subir a estatuíña no avión porque a equipararon cunha arma
A figura acabou perdéndose no traxecto entre Nova York e Frankfurt
O Oscar da discordia é o que recibiu o cineasta Pavel Talankin na cerimonia de 2026 ao mellor documental.
Desde aquela viaxou por todo o mundo con el, pero o que nunca lle pasara sucedeulle en Nova York. Cando chegou ao aeroporto non llo deixaron subir ao avión alegando motivos de seguridade. Equiparaban a estatuíña cunha arma.
Así que o tan prezado Oscar acabou nunha caixa de cartón e na bodega do avión. E o problema agravouse porque se perdeu polo camiño. Non chegou ao aeroporto de destino co resto da equipaxe.
En realidade ese foi un problema menor, porque a compañía localizouno e devolveullo ao seu dono san e salvo.
Pero Pável Talanski, que gañou o Oscar por un documental sobre a manipulación da administración Putin aos nenos rusos pregúntase se hai algo máis detrás do suceso. Se farían o mesmo se falase inglés fluidamente ou incluso se lle quitarían o Oscar a un actor famoso.
