Os tractoristas mobilízanse en varios puntos da provincia de Ourense para reclamar condicións dignas no sector primario

Varios puntos da provincia de Ourense acolleron este venres mobilizacións de tractoristas e gandeiros para reclamar condicións dignas no sector primario.

As protestas, impulsadas pola Asociación do sector primario de Galicia, déronse en localidades como Xinzo de Limia, Ourense, Montederramo, Maceda, Chandrexa de Queixa e Manzaneda.

As mobilizacións súmanse ás celebradas o pasado luns, cando unha tractorada colapsou o centro da cidade de Ourense, na zona das Burgas.

Rechazo ao acordo con Mercosur e críticas á PAC

Os participantes amosan o seu rexeitamento ao acordo comercial entre a Unión Europea e Mercosur, que se vai asinar este mes de xaneiro.

Os gandeiros consideran que este pacto terá consecuencias moi negativas para o sector en Galicia.

Critican ademais que o acordo conte co apoio tanto do PSOE como do PP.

As protestas tamén censuran os recortes na Política Agraria Común e reclaman unha PAC que garanta a viabilidade económica das explotacións.

Reclamación de medidas sanitarias e novas protestas

Entre as demandas figura a posta en marcha da vacinación contra a dermatosis nodular contaxiosa en Galicia, unha medida que consideran urxente.

A asociación critica a falta de resposta da Subdelegación do Goberno en Ourense ás súas reivindicacións.

Os representantes do sector teñen prevista unha reunión o vindeiro luns en Ourense con responsables do Fondo Galego de Garantía Agraria para abordar a situación.

Os organizadores avanzan que as mobilizacións continuarán tras a celebración do Día de Reis.