Os termómetros volven rexistrar valores negativos nunha noite moi fría

O interior de Galicia volveu amencer este domingo con temperaturas xélidas aínda que non foron tan intensas nin xeneralizadas como as do sábado.

Foi o concello ourensán de Xinzo o que marcou o valor máis baixo con case menos tres graos. Na mesma provincia e con 2,3º negativos , Verín tamén se situou na listaxe dos cinco municipios máis fríos, segundo os datos facilitados por Meteogalicia.

Na provincia de Pontevedra rexistraron valores moi similares no concello de Lalín.

E xa na provincia de Lugo nas localidades de Monforte, con menos 2,6º e Portomarín con menos 2,1º, volveron tremer , unha noite máis, de frío. 

Para o resto da xornada, a predición é de tempo seco e solleiro, con pouco vento e temperaturas que remontarán ata rozar ou mesmo superar os 15 ºC. Precisamente, nas cidades de Vigo e Pontevedra prevense máximas de ata 16 ºC.