Arde unha vivenda unifamiliar en Culleredo
Trátase dunha segunda residencia e barállase un calefactor aceso como posible causa do lume
O propietario atopábase no exterior cando se iniciou o incendio, polo que non hai que lamentar danos persoais
Concello de Culleredo
Os servizos de emerxencia traballan en sufocar o incendio declarado nunha vivenda unifamiliar do núcleo de Cabana, na parroquia de Veiga, en Culleredo. O propio Concello informou de que o lume comezou arredor das 12:45 horas.
Ao lugar desprazáronse a Policía Local de Culleredo e os bombeiros do parque provincial de Arteixo, que seguen agora cos labores de extinción.
Indican que o lume segue vivo, dado que a inmoble conta con moita madeira.
Trátase dunha segunda residencia e barállase un calefactor aceso como posible causa do lume.
O propietario atopábase no exterior cando se iniciou o incendio, polo que non hai que lamentar danos persoais.
