O lume calcina totalmente a vivenda dunha familia de Pobra de Trives

Unha familia de Pobra de Trives, con dous nenos pequenos, quedou sen nada por mor dun incendio na súa vivenda. As lapas, que comezaron o sábado pasadas as 11 da noite, calcinaron completamente a súa casa, situada na aldea do Castro. Os pais e os dous fillos non estaban na vivenda cando comezou o lume. Foi unha veciña quen os alertou.

Polo momento descoñécense as causas que provocaron o lume da vivenda que mercaran e acondicionaran hai cinco anos. Agora tentan asimilar o acontecido e agradecen a axuda dunha campaña solidaria coa que se pretende axudarlles a saír adiante.