Os servizos de emerxencia lémbrannos algúns consellos de seguridade para evitar accidentes durante os temporais
Os servizos de emerxencia lémbrannos algúns consellos de seguridade para evitar accidentes durante os temporais
O xefe de grupo do GES de Muros, Jorge Mosquera, lembra que cómpre non achegarse á costa en días de temporal nin a zonas de cantís, evitar desprazamentos, e para ver o mar, mellor dentro do coche ou de lonxe
Temporais como Claudia poden deixarnos imaxes fermosas de ondas rompendo nas rochas ou o mar bravo que pode resultar moi atractivo ver en directo ou inmortalizar cunha cámara. Pero cómpre tirar de sentido común e atender as recomendacións dos servizos de emerxencias para evitar riscos innecesarios.
O xefe de grupo do GES de Muros, Jorge Mosquera, lémbranos que cómpre non achegarse á costa en días de temporal nin a zonas de cantís, evitar desprazamentos, e para ver o mar, mellor dentro do coche ou de lonxe.
Tamén advirte os pescadores do risco de pescar con cana en días como hoxe en zonas rochosas. Mellor evitalo. Algo que a xente do mar ten moi claro: ao mar non hai que perderlle o respecto.
