Os salarios en Portugal son ata un 50 por cento máis baixos que en Galicia
O salario medio no país luso é de 960 euros mensuais
O norte de Portugal precisa man de obra. Fan falta traballadores en moitos sectores.
Os prazos de execución das obras alónganse meses por falta de traballadores. Un escenario que se repite en moitos sectores e nas empresas que non atopan man de obra.
Os salarios están no punto de mira. Segundo os expertos, as remuneracións que ofrecen as empresas son moi baixas, o soldo medio sitúase nos 960 euros mensuais.
A tan só uns quilómetros cruzando a fronteira, os salarios son máis altos. A diferenza coas nóminas dos traballadores galegos é de ata un cincuenta por cento. A remuneración na construción ronda en Galicia os 19.000 euros anuais, mentres que en Portugal apenas supera os 12.000.
O norte de Portugal consolida o pleno emprego cunha das súas taxas de paro máis baixas, pero sen alicientes para os traballadores.
En Portugal, a oferta de postos de traballo xa supera a man de obra dispoñible.
