Os profesionais da imaxe persoal reclaman un IVE reducido para os seus negocios

O sector da imaxe persoal leva ano e medio reclamando que se lles aplique  o IVE reducido do 10 % en lugar do 21 % actual. Este luns levaron as súas protestas ata a sede do PSdeG en Santiago de Compostela.

Din que a pandemia e agora a suba do prezo da electricidade puxeron contra as cordas moitos negocios ; de feito apuntan que nos últimos 18 meses catro de cada dez salóns de peiteado tiveron que pechar definitivamente porque os ingresos mensuais non lles cubrían os gastos fixos.