Os mellores cans de caza danse cita en Melide na Supercopa Galicia de Rastro de Xabaril
Un cento de cazadores de toda España participaron nas probas da que está considerada a competición máis importante de España nesta disciplina
Os participantes competiron en catro campos habilitados no couto do Pilar nunha proba sen morte
O couto do Pilar en Melide foi o marco das probas desta edición da Supercopa Galicia de Rastro de Xabaril, unha das probas mais importantes de España nesta disciplina e un punto de reunión para os amantes deste deporte.
"Veñen case todos en familia, chegan un día antes e pasan aquí toda a fin de semana. É unha forma que temos de ensinar Galicia.", explica Tono Méndez, o organizador da proba.
"De Comillas, en Cantabria. Veño todos os anos á proba, por estar aquí cos amigo e pasalo ben.", afirma un dos participantes.
"Os campos están bastante ben igualados, o clima este ano favorécenos, polo menos non chove nin fai vento como outros anos . Un montón de xente aquí gozando do noso deporte e despois virá o almorzo que é tamén moi importante.", engade outro.
Un cento de cazadores de toda España sairon ao monte a demostrar as habilidade de rastrexo dos seus cans.
"O monteiro leva un can atado, en nigún momento se solta ao can. Nós facemos uns rastros e o can ten que ir indicando por onde pasou o xabaril.", di Méndez.
"Sabuesos, grifóns, astur-cántabros... son os que máis... pero non hai ningunha raza en concreto mellor que as outras. Os bos son os que funcionan."
A maiores da competición organizaron unha proba xuvenil para os rapaces que se están a iniciar no mundo da caza.
"Unha pequena proba que non é puntuable para os nenos, para que poidan entrar en contacto co mundo cinexético.", conta o organizador da proba.
A organización repartiu máis de 8.000 euros en premios entre os mellor clasificados na proba. O próximo sábado celebrarase a segunda xornada do campionato para os cazadores da comarca.
