Publicador de contidos

Publicador de contidos

Os incendios comezan a estabilizarse en toda España

Os incendios comezan a estabilizarse en toda España

Case 223.000 hectáreas arderon en España desde xaneiro, segundo a axencia europea que mide os incendios forestais

 

G24.gal 27/07/2022 14:16

Case duascentas vinte e tres mil hectáreas arderon en España desde xaneiro, segundo a axencia europea que mide os incendios forestais. É o 38 % do total de Europa, o que nos sitúa como o país máis afectado polos lumes.

As últimas informacións apuntan que os incendios comezan a estabilizarse en todo o territorio. En Castela e León, unha das comunidades máis afectadas, os dous incendios maiores de Ávila seguen activos, pero esperan poder dálos por controlados esta tarde.

Os incendios de Zamora e Burgos baixaron xa de nivel de risco e evolucionan a mellor.

En Castela-A Mancha déronse por estabilizados os dous grandes incendios de Humanes e Carcastillo, e en Andalucía os de Bonares, Almonte e Benahavís, o que permitiu aos veciños desaloxados regresar á casa.

Ao mesmo tempo declaráronse dous incendios novos en San Roque e Mijas, que a estas horas evolucionan favorablemente.

O mesmo sucede en Valencia, co incendio na localidade de Calles.

Nas Canarias, malia que a meteoroloxía segue adversa, o incendio que afecta o norte de Tenerife camiña cara ao seu control.

Publicidade
Publicidade
Publicidade
Publicidade