Os cerqueiros do Cantábrico volven pescar o luns

Os mercados de peixe e marisco comezan a recuperar a normalidade perdida nos últimos días tras o amarre da frota.  

Con todo, unha parte da frota decidiu seguir amarrada a porto. É o caso dalgúns barcos de baixura da Coruña ou Bueu.

O que si se nota é que os prezos están máis altos.

A situación podería mellorar na próxima semana. Os cerqueiros galegos e os de todo o Cantábrico volverán saír ao mar o vindeiro luns. E o martes, o sector pesqueiro agarda que se concreten as axudas comprometidas polo Goberno.

"É difícil entender como se pode seguir estudando algo que xa debería estar estudado. Nós na xuntanza do mércores adoptamos unha serie de medidas a petición do propio sector e a medida que tiña que ver coa comunidade púxose en marcha ao día seguinte de buscar a exención das taxas portuarias", di Rosa Quintana, conselleira do Mar.

Portos de Galicia non lle cobrará esas taxas durante os dous próximo meses á frota pesqueira.