Publicador de contidos
Publicador de contidos

Os bombeiros piden ser convertidos en persoal fixo, como dita o Tribunal Supremo

Os bombeiros piden ser convertidos en persoal fixo, como dita o Tribunal Supremo

Iniciarán unha folga "á xaponesa" dentro duns dez días para reclamar abrir unha mesa de negociación autonómica

G24.gal 05/06/2023 17:17

Os bombeiros comarcais de toda Galicia comezarán unha folga indefinida ás portas do verán, tal como decidiron máis de 200 traballadores en asamblea este luns.

Reclaman que se cumpra a sentenza do ano pasado do Tribunal Supremo para a conversión a persoal laboral fixo de todos os efectivos.

O portavoz da Mesa Intersindical de Bombeiros de Galicia Ángel Moldes (CIG) sinala que "non hai avance ningún" nas mesas de negociación abertas coas deputacións de Pontevedra, A Coruña e Lugo.

Do mesmo xeito, o seu obxectivo é presentar unha negociación de convenio único á Xunta para igualar as condicións dos postos de traballo de todas as provincias. 

Dentro de dez días está marcado o inicio da folga, unha "folga á xaponesa", polo que "todos" irán traballar na súa quenda, pero sen realizar traballos fóra de horas ou turnos de 24 horas como "cando ardeu O Courel, con todos os bombeiros que estaban de días libres, e iso non vai pasar", advirte Moldes.

Os sindicatos alegan que as administracións "nin cumpren os seus servizos mínimos", pois hai parques onde non chegan ao mínimo que consideran necesario para realizar as súas tarefas. 

Actualmente, os bombeiros do Salnés xa están en folga, cuns servizos mínimos marcados no 100%.

Aínda que os bombeiros comarcais non teñen como función os incendios forestais, "sempre se bota man" deles para "dar auga aos compañeiros forestais". Agora, sopesan convocar unha manifestación proximamente, xa que "as medidas de presión irán 'in crescendo' segundo as vaiamos precisando", avisa Moldes. 

Publicidade
Publicidade
Publicidade
Publicidade