Ofensiva total dun Deportivo Abanca que precisa un erro do Éibar na última xornada
Gañoulle por 6-2 ao Juan Grande canario con goles de Millene (2), Ainhoa, Charle e Carlota Suárez (2)
Precisa un tropezo do Éibar co que chega á última xornada empatado a puntos
O Deportivo Abanca derrotou por 6-2 o Juan Grande nun partido de ofensiva total por parte das de Irene Ferreras. Precisaban gañar para chegar á última xornada con opcións de ascenso e notouse esa necesidade.
Pronto marcou Millene pero as canarias empataron cun gol de Nuria. Repetiu Millene no 16' e Ainhoa ampliou diferenzas antes da media hora.
No segundo tempo recurtou diferenzas o Juan Grande pero deseguido chegaron os tantos de Carlota Suárez (2) e Charle para poñer o definitivo 6-2.
Éibar, Deportivo e Osasuna seguen empatadas no posto de ascenso directo pero as deportivistas teñen perdido o duelo particular co cadro vasco co que necesitan mellorar o seu resultado na última xornada.
