O turismo de aventura gaña terreo na dinamización do rural galego

Foi un paso de gando para cruzar o río, pero os tempos mudan, e hoxe serve como zona de embarcadoiro para gozar do caiac no río. É tan so unha das actividades que ofrece este parque multiaventura de Ombreiro, ás aforas de Lugo. 

Cunha oferta de turismo activo dirixida a todos os públicos. Nada mellor, sen dúbida, para unha tarde de ocio diferente cos amigos. Os cativos son, desde logo, os que máis gozan, e teñen claras as preferencias.

O parque contou cun investimento de 600.000 euros e con axudas da Xunta a través do Igape. 

A curto prazo, o seu promotor ten previsto ampliar instalacións con bungalows e zona de autocaravanas.