O sistema de pagos dixitais xa está operativo despois de sufrir unha caída de dúas horas

Durante unha hora os sistemas de pago bancarios da plataforma Redsys víronse interrompidos por unha incidencia no seu sistema informático, o que dificultou as compras de moitos usuarios en boa parte de España. 

Durante horas non funcionaron as tarxetas VISA e Mastercard e tampouco estivo operativo o sistema de pago Bizum nin practicamente ningún outro dixital. A caída do sistema comezou arredor da unha da tarde e afectoulles a caxeiros, datáfonos e pagos en comercios.

Algunhas entidades financeiras informaron a clientela do problema e os usuarios amosaban en redes sociais os problemas que estaba a causar a avaría á hora de procesar os pagamentos.

Redsys publicou ás tres da tarde que estaba resolto o problema e as transaccións xa se realizan con normalidade.