Leccións do Foro do Noroeste, por Venancio Salcines

Temos unha España que toma posición segundo a súa ideoloxía, pero existe outra que si quere defender ou debe facelo atendendo o territorio. Neste caso se encontra o noroeste español. Asturias, Castela e León e Galicia teñen problemas vencellados coa súa posición e definición territorial; facer causa común e necesario. O foro organizado por Prensa Ibérica fixo algo excepcional, que tres territorios con vidas propias falasen do común, do que os une. Cales son eses temas?: infraestruturas, despoboamento, enerxía ou financiamento.

O principal desafío do Noroeste é evidente que son as infraestruturas, en especial o corredor atlántico ferroviario. Temos que conectar Francia con África dende o Atlántico e de paso intensificar a conexión co norte de Portugal. Complexo dicir cal sería o segundo desafío, pero o declive demográfico ben podería ocupar ese segundo posto, especialmente nas provincias máis rurais. Neste eido, as políticas migratorias de Galicia tomáronse como un modelo a seguir. E todo isto sen esquecer o eterno debate do financiamento autonómico, clave para o noso desenvolvemento, que segue enterrado nun debate eterno.