A pegada galega dunha nova Liga de Campións

Dous xogadores galegos tiveron a honra de erguer a décimo quinta Liga de Campións do Real Madrid: Joselu Mato (Silleda) e Lucas Vázquez (Curtis). Non gozaron dun papel principal na final entrando no treito final pero o seu traballo ao longo de toda a temporada foi vital para o título. 

Joselu Mato (Silleda) debutaba co equipo branco nunha Liga de Campións e conseguiu ser o segundo goleador do equipo na competición con cinco goles, só por detrás de Vinicius (6). Para a historia quedan os últimos minutos contra o Bayern de Múnic nos que logrou un dobrete que lle daban a volta a unha eliminatoria que estaba imposible. Tamén marcou contra o Nápoles na vitoria por 4-2 e anotou outro dobrete contra o Unión de Berlín na fase de grupos (2-3). 

Lucas Vázquez (Curtis) xa é un veterano disto da Champions. En Wembley ergueu o seu quinto título poñéndose como un dos grandes na historia do Real Madrid (2016, 17, 18, 22 e 24). Sempre cun papel secundario pero efectivo. Na súa novena participación na máxima competición continental Lucas volveu estar nos seus rexistros habituais. Xogou nove partidos, catro deles como titular (Unión Berlín -x2-, Braga e a ida contra o Bayern) e sempre que tivo que participar cumpriu como o mellor. 

🤍Te queremos🤍 #La15 #HalaMadrid pic.twitter.com/S7SSrGpL3x

— Lucas Vázquez (@Lucasvazquez91) June 2, 2024