O Rácing volve perder a Chuca para as vindeiras xornadas

Está a ser a única mala nova deste Rácing no comezo da temporada. O equipo de Cristóbal Parralo funciona como un reloxo, agás o centrocampista alacantino Chuca. Mancouse no terceiro partido de liga contra o Spórting, cando tivo que marchar aos dez minutos de partido. 

Chuca non puido estar ao carón dos seus compañeiros nas seguintes tres xornadas e regresou para xogar uns minutos diante do Zaragoza o pasado luns. No adestramento do xoves volveu a notar unha molestia na perna que non se mancara a finais de agosto. Confirmáronse as sensacións do xogador que volve a ter unha rotura muscular que o afastará dos campos as vindeiras xornadas.

O Rácing terá esa ausencia para afrontar o partido que xoga o luns en Cornellá diante do Español, un dos reforzos máis destacados do equipo ao comezo da tempada.