O Rácing saca un empate de Alxeciras que lle permite seguir invicto

O Rácing sacou un punto de Alxeciras que lle permite seguir invicto, logo dun partido que se lle complicou na primeira metade. Os de Cristóbal ofreceron unha peor imaxe da dos últimos partidos, e o equipo local aproveitou para adiantarse no marcador. Foi no minuto 19, cando Álvaro Romero aproveitou unha indecisión de Gazzaniga para anotar o 1 a 0.

O equipo ferrolán mellorou a súa imaxe á volta dos vestiarios, e foi quen de igualar o marcador logo do penalti cometido por Pol Tristán sobre Álex López. Manu Justo foi o encargado de traducir o lanzamento desde os once metros no empate e uns. Os dous equipos tiveron as súas opcións de acadar o segundo nun treito final en que foi expulsado David Castro, pero o resultado xa non se moveu. Co empate, os de Cristóbal suman 13 puntos en cinco xornadas.