Jones El-Abdellaoui opérase hoxe en Noruega da súa lesión de xeonllo

O extremo internacional sub-21 marroquí Jones El-Abdellaoui será operado este mércores en Noruega da lesión que sofre no xeonllo esquerdo, segundo informou o Celta. O futbolista celeste, que non puido disputar os últimos tres partidos oficiais -fronte a Málaga e Racing en LaLiga EA Sports e contra o Omonia na liga Europa-, terá que pasar polo quirófano debido á presenza de “un pequeno corpo articular libre” no xeonllo que estaba a provocar dor.

Aproveitando o longo parón que vivirá a liga polos compromisos internacionais das seleccións nacionais, o xogador e os servizos médicos do Celta acordaron o seu paso polo quirófano en Noruega, onde se trasladou por motivos familiares.