O Racing de Santander é o campión da Primeira RFEF

O único Racing que pisou esta fin de semana a Malata foi o de Santander, que se converteu no mellor equipo da temporada nesta Primeira Federación.

Así recibía o capitán do equipo cántabro, Íñigo, a Copa que o recoñece como campión desta competición. Nunha Malata deserta derrotou con moita claridade ao gañador do grupo segundo, o Andorra. Tres a cero foi o resultado favorable ao Racing, con dous tantos de Cedric e un de Soko. Os santanderinos xa aseguraran o ascenso a Segunda División hai máis dun mes e con este triunfo pechan unha temporada perfecta.