O prezo da luz sobe un 6,98 % este venres e sitúase nos 232,28 euros/MWh

O prezo medio da electricidade no mercado grosisita sobe este venres un 6,98 %, ata os 232,28 euros o megawatt hora, co que se mantén por segunda xornada consecutiva por baixo da cota dos 250 euros/MWh, ao redor da cal se estabilizou desde a fin de semana pasada.

Por tramos horarios, o prezo máximo da luz para este venres darase entre as 20:00 e as 21:00 horas, con 290,19 euros/MWh, e o mínimo, de 198,88 euros/MWh, rexistrarase no tramo horario comprendido entre as 2:00 e as 5:00 horas.